Saterdag 19 April 2014
Tuisblad / Nuus / Skilderye van Oos-Rand in wildtuin uitgestal

Sowat 25 skilderye van studente van The Paint Basket-kunsateljee in Boksburg is in Desember in die Krugerwildtuin uitgestal.

Monique van Wyk (26), kunsonderwyser by dié ateljee, sê die ateljee wou vir ’n slag meer doen as om net vir die lekker te verf.

“Ek het gedink ons moet iets anders doen en by liefdadigheid betrokke raak,” sê sy.

Met die renosters wat oral opspraak maak, het Van Wyk besluit om op dié kwessie te fokus.

Die skilderye is ’n week lank uitgestal.

Kinders van so jonk as nege tot mense in hul 60’s het aan die projek deelgeneem, vertel Van Wyk.

“Almal is baie opgewonde en ek het baie oproepe ontvang van mense om te hoor hoe dit met die uitstalling gaan.

“Ons wil graag geld insamel en bewustheid bevorder,” sê Van Wyk.

Hulle hoop om later vanjaar aan nog uitstallings deel te neem.

Die geld wat ingesamel word, sal aan Rhino SA geskenk word. Van Wyk sê hulle het reeds sowat R3 500 ingesamel.

  KOMMENTAAR 
 
top
ONS JONGSTE UITGAWE

top
LAAT JOU STEM HOOR Stel meningspeiling voor
Ekurhuleni se snelbusdiens
Sal jy Ekurhuleni se snelbusdiens gebruik?
Ja
Nee
Dalk
Ek loop eerder...
top
bottom